O festival do Social Media en Galicia, MexilOnseTuits, xa ten finalistas na súa edición 2013. E #saboresdeourense estará presente dentro da categoría Mellor Campaña nas redes sociais. Será o  2 de xuño, en Bueu, cando se coñezan os gañadores mais até entón compartimos a ilusión do nomeamento e a satisfacción do traballo recompensado.

Desde o seu nacemento, #saboresdeourense concíbese como unha iniciativa de promoción de Ourense como destino turístico baseada na oferta gastronómica. A través do hashtag #saboresdeourense, planifícase unha estratexia a medio prazo de marketing concorrente (todo ten que suceder máis ou menos a un tempo, nun proceso sincronizado áxil e adaptado) e transmedia, coa que se pretendía conseguir resultados en tres ámbitos distintos:

• Transcendencia no sector hostaleiro da cidade
• Repercusión nos medios de comunicación off line locais e rexionais
• Xestión da marca Ourense cun obxectivo de notoriedade online e nas redes sociais.

Cómplices con esta tarefa foron os 20 bloggers que participaron no primeiroTapas&Blog de Galicia, con base en Ourense, e que puxeron o seu talento e a súa creatividade ao servizo de #saboresdeourense.  Mikel Iturriaga de El Comidista, Lúa Monasterio de Guía Repsol, Alfonso López de Recetas de Rechupete, Rosa Ardá de Velocidad Cuchara, Belén Otero de Cocinar para dos, Paco Becerro de Lazy Blog, Luis Rodríguez de Profundidad de campo…. entre outros, sumando entre todos un tráfico superior aos 5 millóns de usuarios e máis de 350.000 followers.

A través dos seus ollos (así viviron a súa viaxe en tuits), recoñecemos Ourense. Os seus posts retrataron unha cidade que se deixaba saborear, como no showcooking de Flavio Morganti, a súa xenerosidade trasladou a imaxe dun destino turístico de gastronomía, pedra e auga termal mentres os seus padais se prestaron a degustar Ourense en pequenos bocados.  Todo isto seguido e promovido a través das redes sociais: twitter, Facebook, Instagram, Foursquare, principalmente, baixo o HT #saboresdeourense e por suposto dos blogues de todos e cada un dos participantes.
Os resultados:
- Trascendencia online e social media
• máis de 20 millóns de impresións en twitter do ht #saboresdeourense (dato Pirendo)
• 1.854 citas en twitter
• máis de 250 fotos compartidas en Instagram
• máis de 20.000 resultados de procura en google para a cadea “sabores de Ourense”
• post en todos e cada uno dos blogues dos 20 bloggers participantes cun tráfico acumulado de máis de 4 millóns de usuarios únicos ao mes
… e segue en crecemento a través de #saboresdeourense, utilizado por bloggers e “tuiteiros” para referirse ao produto gastronómico de Ourense
- Transcendencia offline
Cobertura de medios offline do evento a través dos principais medios locais e rexionais: Faro de Vigo, La Voz de Galicia, La Región ou no Informativo da TVG.
- Transcendencia no sector
Incremento no número de establecementos inscritos nas seguintes convocatorias do Concurso de Pinchos da cidade, un dos eventos máis socializados coa marca #saboresdeourense.

Grazas á colaboración de público, bloggers, hosteleiros, turistas e ourensáns conseguimos chegar ata aquí.
Moitas grazas!
 

 ¿A que sabe #saboresdeourense?

E logo das cifras, a pregunta é a que sabe #saboresdeourense? Ourense é gastronomía, tradición e cultura. E iso pretendía reflectir #saboresdeourense, unha boa escusa para se achegar a Ourense polo estómago e permanecer polos seus encantos. Ourense é a laboriosidade do Pan de Cea, a tradición e innovación en aceite Aouris de Aceites Abril, con ouro comestible, e no marrón glacé de Cuevas, a especialización dos viños biodinámicos de A pita cega e o Ribeiro tostado de Costeira, a creatividade do pulpOuriensis do chef Flavio Morganti, a agua  e o descanso nas instalaciones termais de Outariz e a tradición no restaurante A Taberna.